Davao City – Hugot karon ang gipatumang seguridad sa sa usa ka NPA Leader kinsa malapusong nadakpan sa mga awtoridad alas-4:30 sa hapon adlawng Dominggo sa San Roque, New Corella, Davao del Norte.
Pinasikad sa warrant of arrests sa mga kasong Murder, Attempted Murder, Robbery by a Band, Homicide, Sedition ug Multiple Frustrated Murder nga gi-isyu sa nagkadaiyang branches sa Regional Trial Court XI nadakpan ang suspek nga si Leonilo Gonzales alyas Banakon.
Sa interbyu sa RMN Davao kang DCPO spokesperson Police Capt. Ma. Teresita Gaspan nga ang maong suspek usa matud pa kini sa nangdabdab sa Lapanday niadtong 2017, nidagit ug nang-harass sa lima ka mga pulis sa Davao niadtong 2016 ug niataki sa Panabo Police Station diin usa ka pulis ang namatay niadtong 2011.
Matud ni Gaspan nga gikonsidera kining Top 2 sa Internal Security Operations watchlist sa Davao City.
Samtang gihimakak sa suspek ang kalambigitan niini sa burning incident sa Lapanday apan giangkon niini nga usa siya sa mga nagbantay sa mga na-abduct nga pulis sa Davao ug pagataki sa Police station sa Panabo.
Gibutyag sa suspek nga nisulod siya sa kalihukan niadtong 2004 ug nilaylo na kini sa kalihukan niadtong 2017.
Gisulti ni Alyas Banakon nga usa sa mga rason sa pagtiwalag niini tungod sa kahiubos tungod sa ubos nga katungdanan nga iyahang gihawiran sulod sa sobra dekada na niya sa kalihukan.
RadyoMaN Aimee Guinita
