Walay pagduda ang 29th IB Phil. Army nga ang rebelding New Peoples’ Army (NPA) ang nipusil patay sa biktimang si Rusty Porogoy, Municipal Tribal Chieftain residenti sa Santiago, Agusan del Nort.
Si Datu Rusty Porogoy ang gipusil patay sa brgy. Comagascas, Cabadbaran City bandang alas 6 ang takna sa buntag kagahapon samtang nagmanehu sa iyang motorsiklo padulong sa iyang trabaho.
Gipahayag ni Lt. Ashely del Rosario, spokesman sa 29th IB Phil. Army nga gawas sa pagka-Datu sa tribu ang biktima usab nagserbisyo isip sakop sa CAFGU ug daghang napasurender nga mga sakop sa NPA.
Katabang usab sa military si Datu Porogoy sa mga outreach program alang sa mga lumad.
Aminado ang opisyal nga dakung kawad-on sa kasundaluhan ang pagpusil patay kang Datu Porogoy uban sa pag-awhag sa grupong Karapatan ug ubang progresibong grupo nga lakip nga isinggit pagbatok sa Lumad killings ang gidangatan ni Datu Porogoy.
