“On track” ang AFP agud ubuson na ang NPA sa tunga-tunga sang tuig 2019.
Ini ang pahayag ni AFP Spokesman Colonel Edgard Arevalo sa isa ka statement may kaangtanan sa pagdumdom sang martial law nga gindeklara ni anay Presidente Ferdinand Marcos.
Una na ginpahayag sang PNP ang plano sang CPP/NPA nga panginpuslan ang mga hublag protesta subong nga adlaw agud isulong ang plano nga pahalinon sa pwesto si Presidente Duterte.
Suno sa AFP, “rhetoric” na lang ang paggahod sang CPP/NPA agud ipakita nga mapag-on gihapon sila kag makaganyat sa iban nga grupo nga mag-upod sa ila tinutuyo nga pukanon ang gobyerno.
Apang sa pagkamatuod suno kay Arevalo, madamo na sang miyembro sang NPA ang nag-surrender sa gobyerno kag madamo sa ila mga lider ang nag-surrender kag napatay na.
Kumpyansa ang militar nga matuman nila ang target nga tapuson na ang NPA sa masunod nga tuig bangud sa mas ginpasangkad nga military operation .
(photo from web)
