Davao City – Patay ang usa ka miyembro sa NPA human miulbo ang engkwentro tali militar ug teroristang grupo pasado alas 6:00 sa buntag kagahapong adlawa nahitabo sa Sitio Lambuto, Brgy. Culaman, Jose Abad Santos, Davao Occidental.
Sa report sa Police Regional Office 11 (PRO-XI), naila ang namatay nga si Marmar Talino Cawan alyas Budok, Political Instructor sa North Platoon, ug residente sa Sitio Upper Kihan, Brgy. Upper Suyan, Malapatan, Sarangani Province.
Sumala pa samtang naglusad og operasyon ang 73th Infantry Battalion Philippine Army nga gipangulohan ni Sgt. Julius Orillaneda ug Scout Platoon nga gipangulohan usab ni Col. Lloyd Zapanta, naka-engkwenteo nila ang gibana-banaang 20 ka mga rebeldeng grupo sa wala mailhing lider.
Nasayran nga midugay sa 30 ka minutos ang maong engkwentro nga miresulta sa pagkamatay ni Cawan ug walay pagkaangol sa pundok sa gobyerno.
Narekober sa encounter site ang M635 Baby Armalite, duha ka mga backpack, Icom Radio ug cellphone na gipanag-iyahan ni Cawan.
Kasamtangang nagapadayon ang clearing ug pursuit operation sa pundok sa gobyerno sa maong lugar samtang gidala sakay sa helicopter sa 73rd Infantry Battalion ang patay’ng lawas ni Cawan paingon sa syudad sa General Santos.
RadyoMaN Jason Amisola
