General Santos City–gikumperma ni Police Chief Inspector Ramil Villagracia, hepe sa Tboli PNP nga walay gipasakitan ang mga miyembro sa NPA nga una nang misulong sa planta sa sumifru nga nahimutang sa Barangay Laconon sa nasampit nga lungsod.
Bugtong tuyo ra sa NPA ang armas sa mga gwardya ingon man ang planta. subay sa pahayag sa mga testigo nga ayha mibiya sa lugar ang grupo sa NPA nga gipangunahan ni Kumander Alfie ilawon sa guerilla front 73, ila pang gisulti nga ilang gihimo ang pagsunog tungod sa kapakyasan sa kumpanya nga bayran ang renta sa yuta ngadto sa mga land owners.
Nipalag Usab sila sa pagpang-abuso matud pa sa kumpanya sa mga lumad ug labaw sa tanan wala matud pa gatuman ang kumpanya sa ilang obligasyon sa katawhan.
Gikumperma sab ni Police Chief Inspector Villagracia nga ilang kasuhan ang mga suspetsado. sa kasamtangan nagakalap pa sila ug ebidensya ug dugang testigo aron nga mas mapalig-on pa ang kaso.
Gitutukan usab nila ang pag-ila sa tinuod nga identity sa mga suspek hilabi na sa ilang lider nga ginganlan ug alias Alfie.
