Davao City – Kasong arson ang gipasang-at kagahapong adlawa sa Magsaysay Municipal Police Station batok sa sakop sa Guerilla Front 72 kinsa gitudlong mga nisunog sa 3 ka mga 10 Wheeler dump trucks nga gipanag-iyahan sa Jejors Construction Corporation sa Brgy. Kasuga, Magsaysay,Davao del Sur.
Sa interbyu sa RMN Davao kang Magsaysay Municipal Police Station OIC PSI Cris Ian Taghap nga positibong naidentipika sa mga drivers ang upat ka mga suspek pinaagi sa gipakita sa mga kapulisan nga rogue gallery.
Segun ni Taghap nga lakip sa ilang gikasuhan ang laing unom pa ka mga john does.
Kahinumduman niadtong nakalabayng Sabado nagconvoy ang maong mga truck gikan sa Quarry Site sa Brgy. Dalawinon, Magsaysay Davao del Sur padulong unta sa Matan-ao apan giharang kini sa napulo ka mga suspetsado sa may Brgy. Kasuga, Magsaysay,Davao del Sur ug gipanaog ang mga drayber.
Gibubuan sa sakop sa NPA og gasolina ang mga truck ug gisunog gilayon kini.
Mokabat sa P10M ka pesos ang danyos sa mga gipangsunog nga 10 wheeler trucks.
RadyoMaN Aimee Guinita
