Usa ka wala mailang myiembro sa NPA ang napatay atol sa natigayong 25 minutos nga bakbakan tali na sa 58IB PA ug 10 ka mga myiembro sa NPA sa bukirang bahin sa Gingoog City, Misamis Oriental, alas 5:00 sa hapun niadtung adlaw nga Sabado.
Sigun ni Maj. Francisco Garello, Jr., Division’s Public Affairs Office (DPAO) Chief nga gawas sa usa ka namatay, narekober sab sa militar ang 2 ka M16 rifle ug usa ka M14 rifle atol sa clearing operations.
Samtang sumala pa sa opisyal nga atol sa paglingkud sa pwestu ni MGen Romeo S. Brawner Jr isip 4ID Commander epiktibo niadtung July 5, 2021, muabot na sa 30 sa 30 ka mga military operations ang gilusad sa kasundaluhan samtang 30 na sab ka mga high powered firearms ang nasakmit.
Dugang pa nga sa maong operasyon ang miresulta sa 4 ka mga kinabuhi sa mga rebelde ang nakalas ug 11 pa ka mga NPA ang sadakpan.
Samtang anaa na sab sa 35 ka mga myiembro sa NPA ang misurender bibit ang 12 ka mga armas ug 13 ka mga hideouts ang nasulod sa kasundaluhan ubos sa 4th Infantry Division.
