Usa ka sakop sa rebelding New Peoples’ Army (NPA) ang napatay sa engkwentro tali sa 23rd IB Phil. Army sa bukirang bahin sa lower Olave, Buenavista, Agusan del Norte. Gibutyag ni LTC Francisco Molina, battalion commander sa 23rd IB Phil. Army nga naghimu ug patrolya ang kasundaluhan sa nasangpit nga lugar ug ilang na-engkwentro ang mga sakop sa NPA.
Nakompiska sa encounter site ang “hide out” sa mga NPA uban ang mga gamit panggyera sama sa detonating devices ug uban pa.
Mikalagiw sa bukirang bahin ang mga NPA nga padayong gigukod sa military hinungdan sa laing engkwentro ang natigayon diin napatay ang usa ka sakop sa walhong grupo.
Padayon pa’ng giila sa kasundaluhan ang nasangpit nga patay’ng lawas sa rebeldi.
Unang gi-alegar ni Ka Omar Ibarra, tigpamaba sa NPA Western Agusan del Norte – Agusan del Sur sub-regional command nga adunay casualty sa habig sa military sa maong bakbakan ug gikuha matud pa sa duha ka mga choppers, apan kining tanan hugut nga gihimakak ni LTC Molina.
Sent from my Samsung Galaxy smartphone.
