Davao City – Patay ang usa ka laing sakop sa teroristang CPP-NPA-NDF sa baguhay nga binakbakay tali militar nga natigayon sa lungsod sa Pantukan Comval Province 5:45 kaganinang buntag.
Ang maong patay’ng lawas sa wala mailhing NPA nagpabilin pa karon gipahiluna sa barangay hall sa Barangay Tag-ugpo sa nasangpit nga lungsod ug hangtud karon wala pa’y kabanay mikuha niini.
Sa impormasyon gipadala sa 10th Infantry Division Philippine Army, naglusad og foot patrol ang tropa sa 4th IB dihang nasugat ang lima ka sakop sa NPA sa may Sitio Sudlon resulta sa 15 minutos engkwentro.
Paspas mikagiw paingon sa kasadpan nga bahin sa lugar ang mga terorista diin atol sa clearing operation sa kasundaluhan nakita ang patay’ng lawas, usa ka .45 nga pistola ug mga bala ang narekober.
RadyoMaN Joel Viray
