MAGPET, COTABATO – Patay ang miyembro sa Communist Party of the Philippines – New People’s Army terrorist (CNT) atol sa gihimong engkwentro tali sa maong grupo ug sa Tropa sa 19th Infantry COMMANDO Battalion (19IB) sa may Sitio Kalo Kali, Barangay Bagumbayan, Magpet, Cotabato alas 9:30 samtang na- intercept usab sa mga kasundaluhan sa checkpoint sa Brgy Gubatan, sa maong lungsod ang usa pa ka samdan ng myembro sa NPA.
Nasayran nga naglusad ang 19th IB ug operasyon human nakadawat ug report gikan sa concerned citizen nga matud pa adunay presensya sa armed terrorists sa ilang lugar. mukabat sa 70 ka fully armed terrorists nga sakop sa Guerilla Front 53 (GF53) sa Southern Mindanao Regional Command (SMRC) ang naka-engkwentro sa militar nga miluntad ug 30 ka minutos. Paspas usab nga nanibat ang mga rebelde sa nabukid nga bahin sa maong lugar.
Samtang nakaplagan sa gihimong Clearing operation sa kasundaluhan ang patayng lawas sa miyembro sa NPA sa encounter site samtang narekober ang usa ka unit sa M14 rifle, usa ka M16 rifle; M203 grenade launcher; usa ka anti-personnel landmine; 5 ka magazines nga adunay 208 rds sa buhing bala; 2 ka NDF flags, 2 – NPA flags; 2 ka CPP flags; medical paraphernalia ug mga subersibong dukumento.
Usa usab ka sundalo ang nakaangkon ug slight injury atol sa engkwentro.
Samtang ang samdan nga miyembro sa NPA ang na-intercept sa Check point sa kasundaluhan sa maong lugar kansa gilayon nga gidala sa ospital aron nga maatiman gumikan sa samad nga iyang naangkon.
