Davao de Oro – Gibalhog sa selda sa kapolisan sa lungsod sa Maco, ang usa ka membro sa New People’s Army (NPA) human nadakpan alas 9:00 sa gabii sa Purok 5 Brgy. Anibongan, Maco, Davao de Oro.
Suspek giila sa kapolisan nga si Edna Tan, 48 anyos, political instructor sa New People’s Army (NPA).
Sumala sa report sa 71st Infantry Kaibigan Batallion Phil.Army (PA), nakadawat og tawag gikan sa concern citizen kalabot sa lima ka mga armado hinungdan paspas miresponde ang sakop sa 71st IB ug ginsakpan sa Maco Municipal Police Station, apan gipamusil samtang padulong sa area sulod sa pipila ka minuto nga miresulta sa pagkasikop sa babaying rebelde.
Nakuha sa suspek ang usa ka Improvised Explosive Device (IED) ug mga dokumentong iya sa rebel groups.
Nasayran nga dunay kasong frustrated murder ang dinakpan sa Regional Trial Court (RTC) niadtong October 10, 2018.
Kasamtang gikustodiya sa Maco Municipal Police Station ang dinakpan samtang giandam na ang laing kasong ipasaka sa korte.
RadyoMaN Jules Catisay
