Davao City – Nagka-engkwentro ang tropa sa gobyerno ug New People’s Army kun NPA sa Brgy. Cabuyoan, Mabini, Comval Province ala 1:10 sa hapon kagahapong adlawa, Mayo 21, 2018.
Sa report gikan sa Police Regional Office kun PRO XI, samtang naglusad og recon patrol ang sakop sa 46th Infantry Battalion Philippine Army, na-engkwentro nila ang gituohang sakop sa Guerilla front 2 sa NPA.
Dugang niini, milungtad og lima ka minuto ang maong engkwentro hinuon walay samdan sa bahin sa tropa sa gobyerno apan wala pa nila nasuta ang sa pikas pundok og aduna bay samaran nga dali usab miikyas sa encounter site.
Narekober sa kasundaluhan ang usa ka Improvised Explosive Device kun IED kagahapon samtang naglusad na sila karon og hot pursuit operation sa maong engkwentro.
RadyoMaN Renz Barbarona
