Davao City – Opisyal nang gikansela ang pagpahigayon sa National Simultaneous Earthquake Drill (NSED) karong Huwebes, Marso 12, 2020 tungod sa pagdeklara og National Public Health Emergency sa tibuok nasud tungod sa Coronavirus Disease 2019 (COVID)-19.
Sa interbyu sa DXDC RMN Davao kang Angie Lina Payosalan, Information Officer sa Office of the Civil Defense (OCD)-XI, gibutyag niini nga nadawat na nila ang pasiunang impormasyon labot sa kanselasyon sa aktibidad tungod usab sa pagdeklara og public health emergency tungod sa sitwasyon sa COVID-19 sa nasud.
“We already received an advance notice regarding the cancellation of NSED pursuance sa declaration sa public health emergency,” saysay ni Payosalan.
Nasayran nga sa Manay, Davao Oriental unta ang mamahimong pilot area sa NSED sa unang quarter karon nga tuig dinhi sa Davao region.
Bisan pa man, padayon gihapon ang pahinumdom sa buhatan sa katawhan nga mamahimong andam sa unsa mang kalamidad ug ang pagtuman sa advisory gikan sa Department of Health (DOH) sa paglikay sa COVID-19.
RadyoMaN Kirby Manzon
