Nagpahimangno ang National Telecommunications Commission kon NTC Region 10
sa publiko kalabot sa naghitak pa gihapon nga mga text scam kon pagpangilad
pinaagi sa text.
Una niini, nagreklamo ngadto sa buhatan sa PNP Valencia ang usa ka ginang
human nga nabiktima sa text scammers ug gipangayuan ug dakong kantidad sa
salapi.
Sa interview sa RMN Malaybalay ngadto kang Engr. Ted Buenavista, ang
regional director sa NTC-10 gibutyag ninii nga usa sa mga timailhan nga usa
ka scam ang text mao nga nakadaug ka bisan wala giapilan nga promo.
Ikaduha, kung ang nagpadala sa mensahe gikan sa regular nga cellphone
number nga 11 digits.
Matud sa regional director nga target gayod sa nagpadala mao nga manglingla
o mangilad sa mga tawo.
Gidugang pa ni Engr. Buenavista nga aduna na silay daghang intervention
aron mabatukan ang text scam, apil na ninii ang pagpakatag ug advisory nga
gikan sa Central Bank, NTC, Telcom ug DTI aron mapahimangnoan ang publiko
kalabot sa text scam nga gipahumuslan sa mga text scammers.
Aminado usab siya nga walay balaod naghingusog aron sa pag-rehistro sa usa
ka sim maoy hinungdan nga dili mailahan kon kinsay tag-iya niini maong
gipahimuslan kini sa mga scammers.
Apan bisan pa man sa maong lakang nga gihimo sa gobyerno aduna pa gihapoy
mga mailad ug mutuman sa sugo sa mga scammers UG pangayuan ug dakong
kantidad sa salapi.
