Nagpaandam sa publiko ang National Telecommunications Commission (NTC) region 6 angut sa nagalapta nga text scam nga ginagamit ang raffle para sa anibersaryo sang Wowowin.
Suno kay Atty. Leonard Griño, Legal officer sang NTC 6, padayon ang monitoring sang ila central office kag ang pagpaandam sa publiko angut sa nagalapta nga scam messages apang may ara gihapon nga nabiktima.
Nagpanugyan si Griño sa publiko nga indi gilayon magpati sa kaangay nga mensahe kon naghalin ini sa 11-digit numbers kag kon wala man sang may gina-intrahan nga raffle agud indi matuntuhan.
Kon may nabaton nga mensahe kag ginasuspetsahan nga scam, magtawag sa hotline sang NTC 6 pinaagi sa numero 320 – 22-51 ukon 508- 53-53.
Nahibaluan nga ginataw-gan sang mga nagapadala sang scam messages ang ila biktima nga nag-reply sa mensahe , gina-istorya tubtob ma-engganyo ini nga magpadala sang load ukon kwarta.
(photo from the web)
