Davao City – Nagpahimangno karon ang National Telecommunication Communication (NTC) sa publiko labot sa mga text scams nga ilang madawat sa ilang mga cellphones.
Sa interbyu sa DXDC RMN Davao kang Nelson Cañete, Regional Director sa NTC-XI, gibutyag niini nga dili tinuod ang mga ‘congratulatory message’ nga midaug ka og dakong kantidad nga kwarta diin angay nimong hatagan sa imong personal nga impormasyon aron imo kining ma-claim.
“Ma’am/Sir, congrats! You are the luck winner of P580,000 from Aim Global Incorporated sponsored by Senator Bong Go. To claim, please text your name, age, address, work. Tapus, DTI permit number 6642 series of 2019. Kini ginapahibalo sa atong komisyon kay nakaabot ni, dili kini tinuod,” saysay ni Cañete.
Tambag ni Cañete nga ugaling makasinati niini, gilayong i-report ang insidente sa NTC-XI office o kaha pasagdan na lamang ug likayan ang pakigtransaksyon kanila aron dili mabiktima sa maong scam.
RadyoMaN Kirby Manzon
