Davao City – Sama sa pahimangno ni Presidente Rodrigo Duterte sa serbisyo sa mga Telecommunications Companies (Telcos), hugot usab nga i-monitor sa National Telecommunications Commission (NTC) ang kalambuan niini hangtud sa Disyembre ning tuiga.
Sa interbyu sa DXDC RMN Davao kang Nelson Cañete, Regional Director sa NTC-XI, gisaysay niini nga bisan niadtong wala pa ang Coronavirus Disease 2019 (COVID-19), daghan na’g reklamo sa serbisyo sa Telcos sa Pilipinas ug misamot karon diin gikinahanglan na kaayo ang internet tungod sa COVID-19 pandemic.
“So kung mag Telco ka, mag invest ka sa ginatawag natong development sa telecommunications industry sama sa ubang mga nasud kay ang Pilipino willing pud mubayad kay mapugos man gyud ta,” esplikar ni Cañete.
Gipasabot ni Cañete nga nakita usab sa NTC ang pagpaningkamot sa mga Telcos diin kinahanglan usab niini ang kooperasyon sa matag Local Government Unit (LGU).
Nasayran nga adunay mga tower construction applications ang Telcos sa mga LGUs apan adunay mga midumili nga mga tag-iya sa area nga tukuran tungod sa sumala pa dili maayong epekto duol sa tower diin matud sa NTC-XI Regional Director wala kini igong basehan.
RadyoMaN Kirby Manzon
