Davao City – Gipaklaro sa National Telecommunications Commision XI nga wala pa nila madawat ang mga guidelines gikan sa NTC Central Office kabahin sa live selfie photo sa SIM card registration.
Sumala ni NTC Regional Director Nelson Canete, importante ang live selfie photo tungod kay magsilbi kini nga confirmatory sa matag subscriber nga muparehistro sa ilang SIM cards.
Matud ni Cañete nga sa pagkakaron ilang gipaabot nga mupadala ang NTC Central Office ug mga sumbanan aron nga hingpit usab mapatuman ang bag-ong pamaagi sa tinguha nga dili na masubli nga makaparehistro ang usa ka unggoy.
Gidugang niini nga sa bag-ong pamaagi sa teknolohiya nga ipahamtang sa NTC ngadto sa mga telecom companies ubos sa live selfie photo mawagtang na ang mga scammer diin nagpadayon bisan ug nahuman na ang registration sa Subscribers Identification Module kun SIM card.
RadyoMan Don Pulayao
Facebook Comments
