Ya confirma el Policia Local De Zamboanga que nuay algo incidente el que ya rehistra na onse mga estacion de policia ayer na engcuentro del año nuevo.
Na entrevista del RMN Zamboanga enantes aga con el portavos del ZCPO Chief Inspector Shelamei Chang, base na diila monitoring y na reports del cada hefe del mga presinto areredor del ciudad ayer, zero fire cracker y gunshot victims el rehistrao na mga presinto y ospitla na entero ciudad, indicaccion cay ya cumpli el mayoriya del mga vivientes con el reglamento del Ordinanza 143 que ta prihivi el usada, vendida y producsyon del mga rebentador aqui na entero ciudad.
Ya comenda tambien el policia con el cooperaccion del mga vivientes y oficiales de mga barangay na mga campaña que ya introduce el policia por el engcuentro del año 2018.- *Bhong Simbajon/RMN News*
