Ya confirma el hefe del Mando Rehiyunal Nueve del policia Chief Superintendent Billy Beltran cay nuay algun myembro del policia bajo na su jurisdiccion el ya tira al-aiera con el diila mga fusil durante el engcuentro del año nuevo.
Asegun con General Beltran que strictamente sila ta impone el tal reglamento contodol mga presinto na Zamboanga Peninsula y cargo tambien del cada official el cosa soceso de rebentada de fisul na su jurisdiccion si chene man.
El disiplina asegun es muy importante asegun con Beltran na cada pulis para cumpli coneste tal reglamento nacional del diila organisasyon.
Fuera de este, si Beltran tambien mismo el ta hace runciada na cada presinto aqui na rehiyon como aqui na ciudad de Zamboanga donde amediante el media noche del Deceimbre 31, si Beltran bien visible ta visita na cada presinto del policia para asegura el siento por siento deployment del mga pulis y el buen mantensyon del seguridad na enteor fueblo. – *Bhong Simbajon/RMN News*
