Ya visita por primeraves enantes aga aqui na mando del military el nuevo designao comandante del Fuerza Armada del Pilipinas Lt.General Rey Guerrero.
Na un arrival honors que ya prepara el Western Mindanao Command na liderato de Lt.Gen. Carlito Galvez,Jr, si General Guerrero ya visita con el mando, donde ele ya fuede conose con el mga oficiales y el lideres del tal organisasyon military que base aqui na fueblo de Zamboanga.
Desfues del parada en honor, ya ofrece el WESMINCOM conele el un Command Briefing por el saver aserca el estado del enemigo del govierno aqui na rehiyon del Mindanao y el progreso del campanya contra terorismo del military.
Ya rendi tambien con el un salo-salo desfues del conferencia como enhorabuena con el nuevo instolao comandante del fuerza armada del Pilipinas. – *Bhong Simbajon/RMN News*
