General Santos City—Sikop ang usa ka Gilbert Bartolay, 45 anyos, Mananagat ug residenti sa Purok Lily of the Valley, barangay Calumpang, Gensan kansa nag atubang ug 2 counts sa kasong rape o pagpanglugos atol sa gihimong manhunt Charlie sa Police Station 4 alas 4:20 ang takna kagahapon sa hapon didto mismo sa iyang panimalay.
Si Bartolay ang number 1 most wanted sa Police Station 4 kansa dugay nang gipangita sa kapulisan.
Nasikop ang nasampit pinasikad sa warrant of arrest sa kasong iyang giatubang nga una nang gipagula ni Hon. Judge Jose Blanza sa RTC Branch 22.
Wala na nakapalag pa ang suspetsado dihang gipresentar kaniya sa arresting team ang iyang warrant of arrest.
Sa karon balhog na sa silda sa Police Station 4 ang suspek ug commitment order nalang ang gipaabot aron nga mabalhin na kini sa Gensan City Reformatory center.
