Bumagsak sa kamay ng mga operatiba ng Eastern Police District Drug Enforcement Unit at ng District Intelligence Division ang tinaguriang Number 1 Top 10 Priority Data Base on Illegal Drug Personalities sa isinagawang buy-bust operation sa Block 2, Lot 91, Molave St., Sicat Araw, Brgy. Pinagbuhatan, Pasig City.
Kinilala ang suspek na si Roberto Jardin Datuin, 39-anyos.
Batay sa imbestigasyon ng EPD, nagsagawa ng buy-bust operation ang mga elemento ng EPD District Drug Enforcement Unit at District Intelligence Division na nagresulta sa pagkaka-aresto ng naturang suspek.
Narekober sa suspek ang 5 gramo ng shabu na nagkakahalaga ng P34,000 at P500 na buy-bust money.
Paglabag sa Republic Act 9165 o Comprehensive Dangerous Drug Act of 2002 ang kasong isinampa laban sa suspek.
