General Santos City–Nasikop sa hiniusang pwersa sa Tantangan PNP sa pagpanguna ni Police Captain Romeo Albano Jr. labaw sa Tantangan MPS kauban ang mga nagkadiyang unit sa kapulisan ug kasundaluhan ang usa ka top 2 Most Wqanted Person sa Municipal Level sa Tantangan nga si Victor Pendatun,35 anyos,mag-uuma nga nanimuyo sa Prk. Luayan, Brgy. Dumadalig Tantangan, South Cotabato human gipakanugan ug warrant sa kasong murder.
Nasayran nga bandang ala 6:10 sa buntag gi-serve sa otoridad ang maong warrant sa panimalay sa suspek sa kasong murder dunay Cc no.7433-TN walay piyansang girekomenda ang korte ug frustrated murder dunay cc no.7431 nga dunay piyansa nga ngakantidad ug 200,000 pesos.
Ang maong warrant ang giisyu sa sala ni Hon. Judge Lorenzo Balo sa RTC Branch 26,11th Judicial Region, South Cotabato, nga pinetsahan pa niadtong Pebrero 29, 2016.
Atol sa operasyon nakuhaan ang suspek sa iyang posisyon ug usa ka sling bag nga dunay sulod nga kalibre.45 nga pistola dunay magazine ug mga buhing bala ug usa ka rifle grenade.
Sa karun nagtingkagol na sa Tantangan PNP ang maong wanted ug gipaabot na lamang ang commitment order niini sa korte ug mag-atubang usab kini ug dugang kasong kalapasan sa RA 10591 ug RA 9516 nga gihikay na sa kapulisan aron i-file ngadto na sa korte. (Reynald Timario)
