South Cotabato – malampusong nadakpan ang usa ka wanted nga dunay kasong lugos atol sa gihimong operasyon sa Sto. Niño Municipal Police Station sa Purok San Roque, Barangay Guinsang-an, Sto. Niño, South Cotabato niadtong nakalabayng adlaw.
Wala na makalikay pas a kamot sa balaod ang suspek nga si Aladen Amigo, 25, ug residente sa samang lugar.
Sa report sa Sto. Niño Police Station nasuta nga una na silang nakadawat ug report nga matud pa anaa sa maong barangay ang suspek nga si Amigo kansa nagatubang ug kaso.
Gilayon usab nga girespondihan ang lugar diin bitbit sa kapulisan ang warrant of arrest sa suspek nga una nang gipagula ni Honorable Judge Roberto Ayco, presiding judge sa RTC Branch 26, Surallah, South Cotabato.
Wala na usab mipalag pa ang suspek human nga gipresentar ngadto kaniya ang warrant of arrest sa kasong rapenga iyang giatubang.
Sa karon pabiling balhiog sa silda sa Sto. Niño Police Station ang nasampit nga suspek ug commitment order nalang ang gihuwat aron nga mabalhin na kini sa South Cotabato Provincial Jail.
