Sikop atol sa gipahigayong Drug Buy Bust Operation sa Philippine Drug Enforcement Agency o PDEA 10 ang usa sa high value target dinhi sa dakbayan sa iligan
Giila sa PDEA 10 ang suspect nga si Antonio Quiros Anduyan Jr. kun asa napalitan kini ug nasikop sulod mismo sa iyang panimalay sa purok 8 barangay tibanga alas 6:30 sa gabii niadtung sabado.
Nakunpiska gikan mismo sa suspect ang unom ka heat-sealed transparent plastic sachet nga adunay sulod sa gituho-ang shabu nga adunay value nga mo-abot sa 70 thousand pesos.
Si Anduyan gitumbok sa PDEA nga anaa sa top 2 narcolist dinhi sa pulo sa Mindanao.
Ang suspect igsoon ni Tibanga Barangay Kapitan Camilo Anduyan.
Nasa kustodiya kini siya karon sa PDEA 10 ug pasakaan ug kasong pagsupak sa Republic Act 9165.
