Arestado ang ginakabig number 8 most wanted person sa Banwa sang Columbio, Sultan Kudarat alas 5:00 kahapon sang aga sa pwersa sang Columbio MPS sa pagpanguna ni PSI Bernard Francia JR sa ginpatigayon nga Manhunt Charlie sa Purok 3, Barangay Poblacion sa nasambit nga Banwa.
Gindakop suno pa ang suspek nga ginkilala kay Esmael Mangelen Ledesma alias Mhots, 40anyos, may asawa, mangunguma kag residente sang nasambit nga lugar sa bisa sang warrant of arrest sa pagbayolar sang Article II, section 11 sang R.A. 9165 sa idalom sang criminal case number 4173 sa sala ni Honorable Milanio M. Guerero, Presiding Judge sang RTC Branch 20 sa syudad sang Tacurong kag may P200 nga pyansa sa nasambit nga kaso.
Nadakpan suno pa ang suspek sa kooperasyon kag maayo nga relasyon sang Muslim Community kag Columbio MPS pinaagi sa Salaam nga aktibidad.
