General Santos City–– ginasuta na sa kasamtangan sa PDEA Regional Office 12 ang koneksyon sa Sogis drug group sa El Patron drug syndicate nmga naga operate sa managlahing lugar sa region 12 .
Sumala ni PDEA 12 regional director Gil Castro, nga base sa ilang imbistigasyon usa ka independent nga grupo ang Sogis drug group nga nagaoperate sa Sultan Kudarat partikular na sa lungsod sa Palimbang.
Apan bisan na usa kini ka independent nga grupo dili layo nga duna kini kalambigitan sa El Patron drug syndicate nga gipaluyuhan sa mga narco politicians, narco businessmen ug armed group.
Gisaad usab ni Castro nga sa dili madugay, ila gyud masuta ang koneksyon sa duga ka mga drug group ug higayon nga kini mahitabo sayon nalang alang kanila ang pagtumbok sa uban pang mga nagpaluyo sa maong mga grupo.
