Dead-on-the-Spot ang nurse na nabistong si Janice Eva y Hernandez, 33 anyos taga Brgy San Francisco, kabali ang midwife na si Rhodora Labanon y Cordis , 45 anyos residente kan Brgy Salvacion, gabos kan Ocampo, Camarines Sur asin pareho man empleyado kan Ocampo LGU Rural Health Unit, kan ang mga ini magsapo ni fatal injuries o matinding lugad sa man-iba ibang parte kan saindang lawas sa impact kan aksidenteng pagka-kabangga kan ambulansya sa puon kan dakulang kahoy, na madara kuta kan bados na pasyenteng si Hanelen Mendoza y Sergio, residente kan Brgy San Vicente, kan kaparehong banwaan na nagli-labor na, asin idina-dalagan pasiring sa Bicol Medical Center. Nasa kritikal man na kondisyon ang kaibahan kan pasyente na si Jenny Bayta asin irido ang saro pang babaeng si Fe Clariño kan Tigaon, Camarines Sur. Basado sa imbestigasyon kan grupo ni P/Capt. Allan Lopez ang hepe kan Ocampo PNP, nangyari ang aksidente sa kalabaan kan Fuentebella highway sakop kan Brgy Ayugan, Ocampo, CamSur pasado alas 6:20 nin amay kasubagong pagka-aga, Mauran kan mangyari ang insidente kan kaskas na nagma-maneho asin nawaran nin kontrol sa manibela ang driver kan ambulansya na nabistong si Rey Dela Rama na ngunyan irido man sa hospital, mantang ang pasyenteng si Hanelen Mendoza maski nagsapo nin pagka-irido nairaos man na makapangaki kan dagos man maidara kan sa BMC.
-RadyoMaN MANNY BASA
