Dili mapugngan ang mga Nurses ug ubang medical practitioners kung asa sila gusto mosulod ug trabaho tungod kay ila man kining katungod.
Sama sa mga sitwasyon nga daghan sa mga nurses ang mangayu ug certificate of employment sa DOH aron ilang gamiton sa pagsulod ug trabaho sa gawas sa nasud.
Kini ang reaksyon ni Dr. Cesar Cassion, Asst. Reg’l Director sa Department of Health (DOH) Caraga, subay sa report nga nagkulang na sa mga nurses ang pipila ka pampublikong Hospital tungod kay nibalhin sila ubos sa programa sa DOH.
Usa sa giingung nagkulang sa mga nurses ang Butuan Medical Center (BMC) tungod sa tahu nga kadaghanan sa kanila ang mibalhin sa DOH.
Sigun sa report, 14 ka mga Nurse gikan Butuan City Medical Center and mihawa mibalhin sa DOH ug ang uban nanarbaho sa abroad.
Gikompirma ni Dr. Cassion nga mokabat sa kapin 800 ka mga bag-ong nurses ang na-hired sa DOH aron maoy moserbisyo sa kabarangayan sa tibook rehiyon sa Caraga ubos sa usa ka tuig nga kontrata sa suhulan nga 31,000 pesos.
Niya pa nga kulang pa ang maong ihap, kay moabot sa kapin 1000 ka mga barangay ang entero rehiyon.
