Nursing attendant, dakop sa buy bust operation sang PDEA-Capiz kag PDEU!

Roxas City, Capiz- Magapangatubang sang kaso nga paglapas sa Sections 5 and 11 Article II sang RA 9165 ukon Comprehensive Dangerous Drugs Act of 2002 ang isa ka nursing attendant matapos ini ang nadakpan sa ginkasa nga buy bust operation sang mga katapo sang PDEA sa Brgy Tiza sining syudad mga alas 8 sang gab-i.
Nakilala ang subject kay Alex Anthony Agdalipe, 35-anyos sang Brgy. Bago, Roxas City kun sa diin natigayon nga makuha sa iya posisyon ang tatlo tanan ka plastic sachet nga may unod sang suspected shabu, isa ka unit sang cellphone kag isa ka libo ka pesos nga buy bust money.
Ang amu nga persona ang yara sa target list sang PDEA. Natalana naman nga igapaidalom sa laboratory examination ang narekober nga druga sa suspek. Natigayon ang nasambitan nga operasyon pinaage sa ginhugpong nga pwersa sang PDEA-Capiz kag Capiz Provincial Police Drug Enforcement Unit(PDEU) sang Capiz PPO.
photo(c)- PDEA 6

Facebook Comments