Gipangandaman na sa National Nutrition Council (NNC) ang kasaulogan sa Nutrition Month karong buwan sa Hulyo.
Ang kick-off ceremony ipahigayon karong Hulyo 1 pinaagi sa usa ka motorkada gikan sa Guingona Park padulong sa Almont Hotel ning syudad sa Butuan diin didto himoon ang programa.
Sunod-sunod nga forum kalabot sa healthy lifestyle ug healthy diet ang sentro sa mga programa uban sa temang, “Kumain nang Wasto at Maging Aktibo…Push Nation To”.
Gibutyag ni Dr. Jose Llacuna, Jr. regional director sa DOH Caraga ug OIC – Regional Nutrition Program Coordinator sa National Nutrition Council (NNC) nga ang tinuig nga kampanya sa Nutrition Month maoy magsilbing paagi aron tabangan ang mga katawhan sa pagpahibalo kabahin sa kamahinungdanon sa physical activity ug healthy diet.
[image: nutrition council.jpg]
