Nwebe anyos kaniadto nga bata kinsa nakalingkawas sa Bagyong Sendong ug gihimong modelo nga nagsakay ug troso hangtud karon, wala pa kadawat sa gisaad kaniya nga scholarship sa gobyerno

Wala pa mahatag sa kagamhanang lokal ang gisaad sa gihimong modelo sa sendong ang Scholarship aron makapadayon siya sa pagtungha.
  Kini mao’y gibutyag ni Annalou Lapuerta nwebe anyos nga bata kaniadtu kinsa naluwas sa dakung baha panahon sa paghapak ni Bagyong Sendong pinaagi sa pagsakay sa naanod nga troso.
  Si Lapuerta ang gilarawan sa estatuwa nga gibutang karon nga Sendong Monument sa Bayug Island.
  Padayong naglaum ang maong bata nga tumanon ni Mayor Celso Regencia ang gisaad ngadto kaniya nga scholarship sa high school ug kolehiyo.
  Kasamtangang nagtungha karon si Lapuerta isip Grade 9 student sa Digkilaan High School ug nangandoy nga mamahimong maestro.
| | Virus-free. www.avast.com |