Malampuson ang gihimo nga ordinasyun didto sa Archdiocese sa Cagayan de Oro kang Most Rev. Raul Dael isip bag-ong Obispo. Kini ang gibutyag ni Msgr. Perseus Cabunoc, Vicar-General sa Archdiocese ning syudad.
Matud ni Msgr. Cabunoc nga si Bishop Dael gikulbaan ug dili makasabot sa iyang gibati karong mga panahona.
Gihangyo usab ni Msgr. Cabunoc ang tanan nga mag-ampo alang sa bag-ong Obispo.
Si Bishop Dael gi-ordinahan pinaagi ni Cardinal Luis Antonio Tagle.
Nasayran nga moabot sa unom ka mga cardinal, 40 ka mga Obispo ug 500 ka mga pari ang misaksi sa maong kalihokan.
Tungod niini, adunay nahitabong re-routing sa mga dalan Gaerlan, Fernandez ug sa mga palibot sa St. Agustine Cathedral nga gisugdan sa ala una sa kadlawon ngadto na sa alas singko sa hapon.
Mahinumdoman, nga niadtong Pebrero ning tuiga gitudlo ni Pope Francis si Fr. Raul Dael isip bag-ong Obispo sa Tandag City, Surigao del Sur kinsa mao usab ang kasamtangang nagsilbing Vicar for Clergy of the Archdiocese ning syudad. PC: Archdiocese of Cagayan de Oro ctto: rmn dxcc Sent from my Samsung Galaxy smartphone.
