Nagapabilin sa gihapon nga mataas ang occupancy rate sang mga pampubliko nga hospital sa probinsya sang South Cotabato sa pihak sang pagpamahog sang COVID-19 sa diin ginapangunahan sang Norala district hospital nga may 119 percent.
Suno kay Dr. Conrado Braña, Hospital Chief sang South Cotabato Provincial Hospital sang 2019 may occupancy rate ang South Cotabato Provincial Hospital sang 212 percent, Norala District Hospital 370 percent, Polomolok Municipal Hospital 210 percent, SOCSKSARGEN General Hospital 234 percent.
Sa pihak sang pandemya nagasulubra sa gihapon ang occupancy rate sang mga government hospital suno kay Dr. Braña bangud may 200 bed capacity lang ang South Cotabato Provincial apang nagsobra sa 500 ang pasyente, Norala District hospital may 40 bed capacity pero sobra isa ka gatos naman ang pasyente.
Samtang ang SOCSKSARGEN General Hospital ang ginhimo naman nga COVID center para sa mga pasyente nga may ginadudahan sa COVID kag wala ginagamit para sa iban nga balatian.
