OCD 12 ginaawhag ang katawhan nga magpartisipar sa ipatigayon nga earthquake drill subong nga adlaw.

Ginahangkat sang pamunuan sang Office of the Civil Defense ukon OCD 12 ang katawhan sa rehiyon nga magpartisipar sa ipatigayon nga first quarter nationwide simultaneous earthquake drill subong nga adlaw, alas 2 sang hapon.
Suno kay OCD 12 Information officer Joriemae Balmediano mangin online sa gihapon ang ipatigayon nga earthquake drill tungod sa pandemya.
Katuyuan suno pa sini nga mahibaluan sang tanan kon ano ang himuon sa tion nga may-yara sang magluntad nga linog, matapos nga may pipila sa gihapon ang nagapanic kon may linog.