Pagadian City – PIPILA ang nabalaka dihang namatikdan ang pagtay-og sa linog sa niadtong nakalabay nga gabii nga nasinati usab sa pipila ka lugar sa Zamboanga del Sur.
Si Elmer Cabyolan , sa Office of Civil Defense IX Operation Division ang nikumpirmar atol sa interbyu sa sa RMN-DXPR Pagadian nga dunay dapit sa rehiyon 9 ang gitay-og apan walay gikataho nga nga mga istraktura nga nadamyos.
Gipanawagan niini ang katawhan nga dili magpanic kun ugaling motay-og ang linog dungan ang pagirekomenda nga magbinantayon sa palibot sa pinamalay ug mga opisina kun luwas ba kini panahon sa kalamidad.
Mihangyo usab ang OCD-9 nga dili dayon ipakatag kun makadawat og impormasyon ug may mayo nga eberipika unsa hingtungdan nga ahensya aron dili moresulta sa kaguliyang.
Mahinumduman nga lima ang natalang patay samtang mokapin sa 60 katawo ang samara sa pagtay-og sa magnitude 6.3 nga linog sa Tulunan, North Cotabato nga mikatay sa daghang lugar sa Mindanao.
Sa ulahing datos nga gipagawas sa Philippine Institute of Volcanology and Seismology (Phivolcs) lima ang kumpirmadong patay sa Mindanao.
Lakip sa namatay ang 7 anyos nga batang babaye sa Datu Paglas, Maguindanao nga nahan-okan sa pader.
Usa ka mabdos ang nakuhaan sa Kidapawan City gumikan sa linog.
