Cauayan City, Isabela- Isinailalim na sa Blue Alert Status ang Office of the Civil Defence Region 2 simula kaninang alas otso ng umaga bilang paghahanda sa Bagyong Emong na nasa Phil. Area of Responsibility.
Dito ay nagsagawa ng Pre-Disaster Risk Assessment ang OCD Region 2 at ilang ahensiya ng NDRRMC bilang paghahanda sa paparating na Bagyo.
Inalerto na rin ng OCD Region 2 ang lahat ng Local Disaster Risk Reduction Management Officers sa lahat ng mga LGUs sa rehiyon, gayundin ang mga miyembro ng Regional DRRM Council.
Patuloy din ang pagbibigay ng OCD region 2 ng weather advisories sa mga LGUs lalo na sa mga coastal areas ng Isabela, ito ay bukod pa sa pagpapaalala sa social media.
Bukod dito, pinaalalahanan ang mga mamamayan sa Gale warning at ipinagbawal na rin ang pangingisda at paglayag sa karagatan.
