Davao City – Nagpahinumdom karon ang Office of the Civil Defense (OCD) sa mga angay buhaton panahon sa linog human nga sunod-sunod ang nahitabong pagtay-og labi na sa bahin sa Luzon ug sa Visayas region.
Sa pakighinabi sa DXDC RMN Davao kang Leslie Francisco, spokesperson sa OCD-XI, gisaysay niini nga dili angay nga mag panic, ug angay i-perform ang duck, cover and hold inay nga managan aron malikayan ang injury. Human sa pagtay-og ayha pa mo-evacuate sa open area.
“Pag mag stop na ang shaking sa earth, didto na mag evacuate, a walk faster than normal going to the evacuation area,” segun sa tigpamaba.
Dugang ni Francisco nga kinahanglang kanunay nga mangandam ug angay usab mahibalo ang usa ka indibidwal asa ang exit route padulong sa luwas lugar sama sa open space, layo sa mga poste, sa wirings ug uban pang delikadong butang sa palibot.
Kahinumduman nga 6.5 magnitude nga linog ang mitay-og sa Eastern Samar ala-1:37 karong hapon nga mas kusog sa 6.1 magnitude nga linog nga mitay-og sa pipila ka bahin sa Luzon kagahapong adlawa, Abril 22, 2019.
RadyoMaN Kirby Manzon
