Davao City – Gibutyag sa Office of the Civil Defense (OCD)-XI nga i-release na sa dili madugay ang liboan ka sako sa bugas alang sa mga nabiktima sa kalamidad sa Davao Region.
Sa interview sa DXDC RMN Davao kang Ednar Dayanghirang, Regional Director sa OCD-XI, iyahang gibutyag nga gawas sa ayuda nga gitunol sa matag lokalidad, mutunol usab og bugas ang OCD-XI alang sa mga apektado sa pagbaha tungod sa weather disturbance.
“Ang bugas ginahulat nalang nato ang stocks. Naa pa ‘tay 11,000 ka sako nga i-distribute pa sa tibuok Region sa selected towns, province nga affected niadtong trough (of Low Pressure Area) ug Shear line,” sulti ni Dayanghirang.
Samtang, matud sa OCD-XI official nga nagpa-abot na usab sila og mga non-food items sa mga apektadong pamilya sa landslide sa Barangay Masara, Maco, Davao de Oro.
RadyoMaN Kirby Manzon
Facebook Comments
