Davao City – Gisiguro sa Office of the Civil Defense (OCD)-XI nga andam ang matag Local Government Unit (LGU) sa Davao Region ugaling maapektuhan sa pagsulod sa Typhoon Mawar (international name) o tawagong Bagyong Betty kung kini makasulod na sa Philippine Area of Responsibility (PAR).
Sa interbyu sa DXDC RMN Davao kang Franz Irag, Information Officer sa OCD-XI, gibutyag niini nga aduna nay nakaandam nga ayuda ilabi na pagkaon, ang Department of Social Welfare and Development (DSWD) nga itunol panahon sa kalamidad.
“Naa may prepositioned food items ang atong DSWD as the chairperson of the Response Cluster nato. I think, naa silay minimum og 50,000 food packs nga naka-standby diri sa region (nga) anytime nga pwede i-distribute kung naa man gani maapektuhan nga areas within region eleven,” segun ni Irag.
Sa pagkakaron, hugot ang koordinasyon sa OCD-XI ngadto sa mga probinsya ug munisipalidad pagpangandam sa bagyo bisan og wala pa kini direktang epekto sa rehiyon.
RadyoMaN Kirby Manzon
Facebook Comments
