Davao City- Ipailawom sa awtopsiya ang patayng lawas sa negosyanteng napalgang wala nay kinabuhi likod sa ilahang balay Shrine Hills barangay Matina Crossing alas 6:00 sa buntag, Mayo 23, 2023.
Kini gibutyag ni Police Major Noel Villahermosa, Talomo Police Station Commander atol sa interbyu sa DXDC RMN Davao.
Sumala ni Villahermosa, kini aron masuta ang hinungdan kamatayon sa biktimang giilang si John Patrick Angeles Co, 40-anyos.
Segun ni Villahermosa nga gisulti sa asawa niining si Michelle Lao Co, 42 anyos nga nagkabangi silang magtiayon bandang ala-1:30 sa kadlawon.
Gisaysay sa asawa alas-6:00 sa buntag gisultian na kini sa mga silingan nga adunay patayng lawas sa likod sa ilahang balay ug sa pagsuta gikumpirma niining iyaha kining bana.
Sumala ni Villahermosa ilahang giimbestigahan ang hinungdan sa kamatayon sa biktima.
RadyoMaN Aimee Guinita
Facebook Comments
