Davao City – Padayon ang monitoring sa Office of Civil Defense (OCD-XI) sa tibuok Davao Region ug mga Local Government Units (LGUs) ang kasapaan nunot sa nasinatian nga shearline ug low pressure area (LPA) nga magdala sa kusog nga ulan ug pagbaha, sumala ni Karl Puerto Spokesperson sa OCD-XI human nahinabi sa DXDC RMN Davao.
Segun ni Puerto, subay sa ilang pagmonitor dunay mga pagbaha nga nasinatian didto sa Barangay Magsaysay, Nabunturan, Davao De Oro, diin nagpahigayon na og preemptive evacuation sa nasampit nga lugar.
Gidugang ni Puerto, naka-standby ang mga responder sa mga local disaster offices, mga LGUs ug mga personahe sa General Disaster Risk Reduction Management Council (GDRRMC).
Subling nagpahimangno si Puerto nga kanunay kita magma-igmat ug sundon ang mga abiso gikan sa mga Local Government Units (LGUs).
“Ato lang pahinumdoman ang mga kaigsuonan Dabawenyo nga magma-igmat kita kanunay ug sundon nato ang pahimangno gikan sa (LGUs) nga sa panahon magbakwit, magbakwit kita dayon ngadto sa safety nga lugar,”.
RadyoMaN Don Pulayao
Facebook Comments
