Davao City – Hugot ang pagpangandam sa nasyonal ug lokal nga panggamhamhanan sa Pilipinas sa wala pa nag-landfall si bagyong Ompong pinaagi sa pagtinabangay sama sa pagtunol og mga impormasyon nga gihiusahan sa tanang ahensiya sa gobyerno aron hingpit nga mapahibalo ngadto sa katawhan nga adunay bagyo nga masinatian kun diin ang sentro mihapak sa Luzon.
Sumala ni Office of the Civil Defense (OCD-XI) Public Information Officer Franz Irag, nakita man sa katawhan kun unsa ang aksyon sa Duterte administration kontra sa baagyong si Ompong.
Gidugang ni Irag nga sagunson ang gihimong press briefing didto sa Office of Disaster Operation Center sa kaulohan sa wala pa nahitabo ang bagyong Ompong gani ang gobyerno naghimo na og lakang aron mapaabot sa katawhan ilabi na sa mga lugar nga apektado sa maong bagyo ug mismo si Pres. Rodrigo Roa Duterte ang nangulo sa gihimong briefing.
Gibutyag ni Irag nga ang gobyerno wala magpabaya ug kini usa ka mandato ubos sa Disaster Management regulations nga gikinahanglan usab ang partipasyon sa mga LGUs, volunteer, private sector ug mga katawhan nga aduna gayuy panaghiusa, kooperasyon ug pagtinabangay panahon sa kalamidad.
RadyoMaN Don Pulayao
