Sa interbyu sa DXDC RMN Davao kang Angie Payosalan, tigpamaba sa OCD-XI, gibutyag niini nga nahitabo ang landslide sa Camanlangan o Nabunturan-Maragusan Road ug Tapia National Road sa Montevista, Davao de Oro nga gilayong girespondehan sa Department of Public Works and Highways (DPWH-XI).
Gitataw ni Payosalan, walay natalang damyos tungod kay wala usab kaayoy mga balay sa areas ug wala usay natala nga indibidwal nga naapektuhan.
Dali usab nga gipahigayon ang clearing operation maong passable na karon sa mga motorista ang apektadong mga dalan.
“Per latest information po from PDRMO nag-road clearing na po since kaganina morning (February 21, 2022) and passable na po ang tanang lanes po. Wala man ‘tay reported na damaged houses kay dili man populated ang area. No reported injuries and casualties din po,” butyag ni Payosalan.
Gisiguro usab sa OCD-XI, andam ang mga Local Government Unit (LGU) panahon sa kalamidad ug padayong gipanawagan sa publiko nga mahimong andam ug alerto.
“Naka-preposition sa atoang mga LGU. Right now, atong mga equipment diri sa region, amoa nana silang gipadala sa mga respective LGUs. Kay sila man gyud ang naa sa.. kung baga ground, (so) sila ang dali nga makareponde,” matud sa OCD-XI official.
RadyoMaN Kirby Manzon
