Davao City – Padayon karon nga nagpahimangno ang awtoridad nga dili angay magpanic hinuon angay magmonitor ug magmatngon sa mga masinatiang mga pag-ulan karong panahona.
Sa pakighinabi sa DXDC RMN Davao kang Leslie Francisco, spokesperson sa Office of the Civil Defense (OCD)-XI gibutyag niini nga lauman ang mga pag-ulan ang Davao region labi na nga nagpagawas og advisory ang PAG-ASA DOST nga makasinti og localized thunderstorms ang tibuok rehiyon.
Sumala sa OCD-XI spokesperson nga mamahimong mag monitor pinaagi sa pagpaminaw o pagtan-aw og mga balita, mga weather updates sa social media ug makig-alayon sa mga Barangay Risk Reduction and Management Office (BRRMO) ug uban pang mga government agencies.
Samtang gibutyag ni Francisco nga nagpabilin pa sa mga evacuation centers kadtong gipanghiklin nga apektado sa pagtaas sa lebel sa tubig sama sa mga taga Bunawan samtang hinay-hinay na usab nga nanguli kadtong mga residente nga mibalik na sa normal ang lebel sa tubig sa ilang mga lugar.
RadyoMaN Kirby Manzon
