Davao City- Aron alerto ug andam sa mga posibleng hulga nga dala sa linog, giimbitahan sa Office of the Civil Defense (OCD) XI ang Dabawenyos nga musalmot sa 2023 Fourth Quarter Nationwide Simultaneous Earthquake Drill (NSED) karong umaabot nga Huwebes, November 9, 2023, alas 9 sa buntag.
Giawhag sa buhatan ang katawhan nga buhaton ang DUCK, COVER, AND HOLD bisan og anaa sa tagsa-tagsa ka mga panimalay, tulunghaan, opisina o pampublikong lugar.
Prayoridad usab sa OCD XI ang paghatag og pagtulun-an sa katawhan mahitungod sa mga angay ug dili angay buhaton sa panahon nga aduna’y tsunami sa mga lugar nga duol sa kadagatan.
Tumong sa maong aktibidad nga matabangan ang publiko nga mamahimong andam ug luwas diin kahinumdoman nga niining tuig 2023, sunod-sunod nga nasinati ang pagtay-og sa Davao Region ilabi na ang bag-o lang nga magnitude 4.7 sa Davao City niadtong Setyembre ug 6.4 sa Davao Occidental niini lang Oktubre.
RadyoMaN Ivy Parido
Facebook Comments
