Davao City – Walay undang ang monitoring karon sa Office of the Civil Defense (OCD)-XI sa Davao region labot sa padayong pag-ulan labi na sa hapon ug gabii nga muresulta sa mga pagbaha.
Sa pakighinabi sa DXDC RMN Davao kang Franz Irag sa OCD-XI, gibutyag niini nga 24/7 ang ilang operasyon ingon man ang pagmonitor sa Disaster Risk Reduction and Management Council (DRRMC) sa matag lokalidad.
“Actually 24 hours gamonitor ang atong mga local DRRMC. Even gani kita sa OCD 24/7 gihapon ang atong monitoring,” saysay ni Irag.
Padayon usab nga nagpahimangno ang OCD-XI sa publiko sa pakig-alayon kanunay sa ilang mga local DRRMC labi na kadtong mga lugar nga nahimutang sa mga landslide o sa mga flood prone areas sa rehiyon.
“Makig-alayon lang gyud ug makig-koordinar lang gyud pirmi sa otoridad mahitungod sa mga posibleng nga mga pahimangno ug mga angay buhaton panahon karon nga naka experience ta og kusog nga pag-ulan labi na inig abot sa kagabhi-on,” saysay ni Irag.
RadyoMaN Kirby Manzon
