Davao City – Gisiguro sa Office of the Civil Defense (OCD-XI) ang ilang kaandam ingon man ang kanunay nga pag-alerto sa Dabawenyos batok sa linog o pagtay-og human niigo ang magnitude 7 nga linog sa Cordillera Administrative Region (CAR) kagahapong adlawa, July 27, 2022.
Sa interbyu sa DXDC RMN Davao kang Angie dela Cruz, OCD-XI Information Officer, gibutyag niini nga naka-standby ang ilang mga personahe ugaling nanginahanglan og augmentation alang sa earthquake-affected areas.
Samtang, gipangandaman na usab karon sa OCD-XI ang ikatulong quarter sa National Simultaneous Earthquake Drill sa Septembre 2022 aron mabansay ang publiko kung unsa ang angayan nga buhaton panahon sa dili matag-an nga linog.
“Upcoming napud ang atong third quarter NSED o Nationwide Simultaneous Earthquake Drill. So, atoa pong i-inform ang atoang mga barangays on that para maka-participate ang atoang community,” sulti ni Dela Cruz.
RadyoMaN Kirby Manzon
Facebook Comments
