Davao City – Laing drug pusher (street level individual) ang namatay human nisukol sa kapulisan sa San Pedro sa drug buy bust operation sa Purok 6, Ilustre Ext.,Brgy. 2-A, syudad sa Davao.
Sa report gikan sa San Pedro Police Station, ang suspek nga na-neutralisa gitago lang sa pangalang alias “Darwin”, 30-35 anyos ug residente sa Magallanes St., ning syudad.
Sumala pa sa dihang gikasa ang buy bust operation, kalit matud pa mihulbot ang suspek sa iyang .38 caliber revolver, dayon og pusil sa mga pulis apan maayo nalang abtik nga naka retaliate ang kaubang pulis hinungdan sa pagka-neutralisa sa suspek.
Daling gihatud sa Southern Philippine Medical Center (SPMC) ang suspek apan gideklarang dead on arrival sa mga attending physician.
Sumala pa, ang suspek nalambigit sa mga kawat sa area sa San Pedro Police Station.
RadyoMaN Don Pulayao
Facebook Comments
